L’an gnûf celebrât tun teatri

A saran tancj ancje chest an, che a son finidis lis restrizions pal Covid dal ‘20 e ‘21, a celebrâ l’an gnûf a teatri ancje a miezegnot. Par tradizion, diviersis struturis a proponin concierts tal dopomisdì:  Udin al ‘Teatri Gnûf’ al torne a ufrî la Strauss Festival Orchester Wien direte di Peter Guth, S. Vît al Tiliment al da spazi ae sô Academie di arcs Arrigoni, il “Verdi” di Triest ae sô orchestre e Pordenon al ospite la filarmoniche ucraine di Karkhiv. Nol è dome che la musiche, però: a Osôf, Anà-Thema al presente in anteprime il gnûf spetacul “Come Thelma & Louise” e a Triest i apontaments a son doi: un ‘gran varietà’ in Sale Luttazzi e il “Metaverso di Capodanno” al Bobbio, cu la cubie Furian-Maxino. (A.I.) – 30.12.2022