Un om sfolmenât, intun stât di alterazion par vie des droghis cjapadis che al jere stât socorût par strade, al à dât cuintri a un infermîr dal pront socors che al cirive di cuietâlu. Il sanitari al à patît un traume al pols e une biele muardude tal comedon che i à lassât une dople feride, tant che l’infermîr al varà di restâ sot control par sconzurâ il risi di cjapâ infezions.
Il sanitari al è stât curat e mandât a cjase intun stât di choc fuart ancje par vie des menacis di muart che l’agressôr al à berghelât cuintri di lui e de so famee. La situazion no je lade in piês in graciis dal protocol di urgjence che al è fat partî daurman l’alarme fasint rivâ lis fuarcis dal ordin che a àn blocat l’om e a slontanâlu dal Pront socors. (a.d.g.) – 09.07.2026
