Incident mortâl a Monfalcon

Une persone e à pierdût la vite chest dopomisdì intun scuintri frontâl tra dôs autoveturis. Par causis in cors di aciertament, i veicui si son dâts cuintri dilunc di vie Primo maggio, intal trat tra lis viis San Giusto e San Sergio. Sul puest a son rivadis dôs ambulancis, une machine di emergjence mediche e l’elisocors. I sanitaris a àn cirût di rianimâ une des trê personis coinvoltis intal incident, ma nol è stât nuie di fâ. Une altre e je stade puartade in svol in cundizions avonde seriis tal ospedâl di Udin, la ultime e je stade traspuartade in codiç zâl tal ospedâl San Polo di Monfalcon. A son intervignudis sul puest ancje lis Vuardiis dal fûc, la Polizie di Stât e la Polizie locâl. (a.d.g.) – 21.11.2023