A Udin al jere ben cognossût Marin Jelenic, l’om cravuat di 36 agns arestât a Desenzano del Garda îr sot sere pal omicidi di Alessandro Ambrosio, il cjâf di tren scurtissât lunis sot sere tal parc de stazion dal tren di Bologne. L’om al jere stât arestât trê mês indaûr intun supermarcjât Conad intal cjâf lûc furlan.
Il paron dal supermarcjât di viâl Vittorio Veneto al à cognossude la muse dal sassin presumût cuant che al veve clamade la polizie par fermâ un client agjitât dopo jessi stât cjatât a robâ biris. Il cravuat al veve fiscât la buteghe e al veve ancje spudat intor a un assegnât prin di jessi metût in manetis dai carabinîrs. (Lis ripresis des telecjamaris di control a mostrin la sô furie e il panic tra clients e impleâts.) Cundut de violence, l’om al jere stât lassât libar pôc dopo.
Lis investigazions inviadis par vie dal omicidi dal cjâf di tren a àn scuviert che la strade par scjampâ sielte dal sassin e passave traviers dal Friûl, parcè che al cirive di lâ in Austrie cul tren Tarvis-Villach, doprant un biliet comprât îr di matine. (a.d.g.) – 07.01.2026
