Il president de Republiche a Glemone ai 6 di Mai pal cincuantesim dal taramot

Il president de Republiche Sergio Mattarella al sarà presint a Glemone aes celebrazions pal cincuantesim dal taramot. La gnove le à dade Massimiliano Fedriga, president de Regjon Friûl-Vignesie Julie vuê di matine a Triest: “La partecipazion dal president de Republiche aes celebrazions a Glemone ai 6 di Mai aes 5 dopomisdì al rapresente un segnâl di atenzion straordenarie bande dal Friûl-Vignesie Julie e la sô storie” al à dit Fedriga, che al à pandût grande sodisfazion pe conferme de presidence di Mattarella ae sentade straordenarie dal Consei regjonâl convocade pe ocasion. “A non de Aministrazion regjonâl e di dute la comunitât al è just – al à sotlineât Fedriga –  palesâ un sincîr e sintût ringraciament al president Mattarella pe sensibilitât e la vicinance mostradis pe ocasion di cheste ricorence impuartante”. (a.d.g.) – 10.04.2026