I tratôrs a invadin par proteste Zardin Grant a Udin

Vuê a Udin une setantine di tratôrs a àn invadût Zardin Grant par protestâ cuintri lis politichis agriculis de Union europeane: tra lis variis domandis i jutoris, il no ae cjar sintetiche, aes farinis derivadis dai insets e ai implants fotovoltaics sui terens produtîfs. A discjadenâ malcontent la cuistion de normative europeane che e oblee i agricultôrs a lassâ a polse une cuote di teren in ogni stagjon e chê dedicade aes monoculturis, cu le Ue che e impon la rotazion periodiche des culturis. Un pont critic, in Friûl, dulà che la culture e je tant atente ae blave. Ancje par chest a son lâts in place tancj zovins preocupâts pal lôr futûr e pai invistiments fats, che a puedin comprometi la situazion economiche des lôr aziendis. (a.d.g.) – 29.01.2024