I lavoradôrs dal stabiliment Electrolux di Purcie in siopar

Lavoradôrs dal stabiliment Electrolux di Purcie in siopar par dut il dì di vuê. Ae fin de assemblee inmaneade dai sindicats al è stât proclamât par protestâ cuintri dai 200 licenziaments che a son previodûts te suaze dal plan di ristruturazion pandût de multinazionâl.

A son a risi di pierdi il lôr lavôr dirigjents, impleâts aministratîfs e operaris, intant che lis liniis di produzion  de suieblancjarie a saran ridusudis di cuatri e trê. Une vore rabiâts i lavoradôrs fûr dai portons dal stabiliment che a àn dite di jessi pronts a difindi il lôr puest di lavôr cui dincj. (a.d.g.) – 12.05.2026