Drame de solitudin a Resie, il cuarp di un om muart di dîs muardût dai siei cjans

Al podarès jessi un drame de solitudin chel sucedût a Resie, indulà che il cuarp di un om di 66 agns, muart aromai di cualchi dì, al è stât mangjât dai siei cjans.

L’alarme al è stât dât vuê di matine di un om che al passave des bandis de localitât Tigo, daspò vê viodût cuatri cjans grues muardi un om a tiere. Sul puest a son rivâts daurman i Vigjii dal fûc, i sanitaris, i carabinîrs di Mueç e une scuadre di vigjii dai cjans. Des primis verifichis al è saltât fûr che il puar om al jere muart za di cualchi par causis naturâls. I cjans restâts cence mangjâ a àn cussì tacât a nudrîsi dal lôr paron.

Lis bestiis a son stadis puartadis vie dal personâl dal servizi e de Aziende sanitarie. (a.d.g.) – 18.12.2025