Doi muarts intun incident su la A4

Al è di doi muarts il belanç dal brut incident sucedût vuê di matine tor des 10 e un cuart dilunc de autostrade A4 pôc prime de jessude pal casel di Puart, intal toc tra Tisane e il svolt pe A28. Bande Vignesie une auto cun dôs personis, muartis tal bot, al è lât dret cuintri dal furgon di Autostrade Alto Adriatico che al stave fasint su la corise di sorpàs manutenzion intun cantîr che al jere stât ben segnalât.

Fuarts i discomuts pal trafic cun codis tra Tisane e Puart simpri bande Vignesie. Sul puest a son rivâts i sanitaris dal 118, i Vigjii dal fûc, la Polizie stradâl e il personâl de autostrade. (a.d.g.) – 30.04.2025