La Polizie di Stât di Pordenon, dilunc di une operazion cuintri de imigrazion clandestine di nivel nazionâl clamade “Oscar 14” e à cjatât cuatri citadins forescj – un nigjerian, un pakistan e doi albanês – che no jerin in regule cu lis normis che a regolin la permanence dai forescj in Italie.
La ativitât de Polizie e je stade fate cjapant dentri l’ufici imigrazion de Cuesture di Pordenon e i agjents de Polizie stradâl e feroviarie e e je tacade controlant lis declarazions di acet rivadis tai ultins mês e de valutazion dai proviodiments di refudament dai permès di permanence.
Pal nigjerian al è stât fat l’ordin di slontanament de Italie dentri di siet dîs. Il pakistan za condanât par favoriment de imigrazion clandestine al è stât puartât tal Cpr di Milan intant che i doi albanês a son stâts puartats daurman tal aeropuart di Trevîs dopo che e je stade decidude la lôr espulsion. (a.d.g.) – 24.07.2025
