111
Su domande de polizie slovene di Nova Gorica, ancje i Vigjii dal fûc di Gurize a vevin tacât lis ricercjis di un om sloven di 59 agns dilunc dal Lusinç te aree che dal Parc Piuma e fintremai dal confin. I pompîrs a son intervignûts cun dôs scuadris, une su la rive e une sul flum. Al jere stât domandât ancje il jutori dal elicotar dal Repart di svol di Vignesie e l’intervent dal Nucli regjonâl che al dopre i drons.
Magari cussì no, il cuarp dal puar om al è stât cjatât dai slovens tor de dôs di dopomisdì, no masse distant di dulà che al veve parcât la sô biciclete, sul puint di Salcan. (a.d.g.) – 26.08.2025
