Cjatât il cuarp dal om sparît îr sot sere a Polcenic

Il cuarp di Giuseppe Bravin, di 60 agns, che îr tal dopomisdì al jere sparît a Polcenic tant che a jerin daurman tacadis lis ricercjis, al è stât cjatât e recuperât vuê di matine des scuadris di socors dai Vigjii dal fûc, inte aree des risultivis dal Livence.

Lis ricercjis, coordenadis de prefeture di Pordenon, in colaborazion cun carabinîrs, pompîrs, Protezion civîl, Socors alpin e Cuarp forestâl regjonâl, a jerin ladis indenant cence padin. Dome vuê a jerin cinc lis scuadris dai Vigjii dal fûc rivadis di dute la regjon e ancje dal Venit, doprant il Nucli subacui, chel cui cjans e chel cui drons. (a.d.g.) – 29.01.2026