Cjatât a Udin un dentist fals

I carabinîrs dal Nucli antisofisticazions (nas) a àn scuviert a Udin un studi dentistic clandestin ae fin di une investigazion coordenade de Procure de Republiche. Dentri di un apartament al è stât cjatât un pensionât che al lavorave tant che dentist cence vê nissun titul, che al è stât denunziât par esercizi abusîf de profession e viertidure di une struture sanitarie cence nissune autorizazion.

Dulinvie de percuisizion a son stadis cjatadis une vore di medisinis par ûs odontoiatric e documentazion sanitarie dedicade a cetancj malâts in cure, ducj elements che, a judizi dai investigadôrs, a varessin podût meti a risi la salût dai pazients. (a.d.g.) – 25.06.2026