Cinc mitra e passe 350 palotulis a son stâts cjatâts dentri din un minivan cun targhe albanese fermât par controi dai agjents de Vuardie di finance li dal passaç di Sant’Andrea a Gurize.
Si tratave di fusîi di vuere Kalashnikov Ak-47 che a jerin stâts platâts cun cure dentri di une valîs modificade a pueste: cuant che il mieç cun dentri siet albanês – doi a son stâts arestâts daurman daspò de scuvierte – al è stât fermât, i agjents si sono inacuarts dal gnervôs di chei che a vuidavin e dal fat che une valîs e pesave fûr dal normâl. I oms des flamis zalis a àn cussì tacât a controlâ miôr e a àn cjatât un font dopli sot des sentis cun dentri trê mitra. Cirint ancjemò a son vignûts fûr altris doi Kalashnikov, cjariadôrs e cartucjis pronts par jessi doprâts.
I doi che a vuidavin a son stâts arestâts subite. Lis investigazions fatis daspò inte suaze de cooperazion internazionâl di polizie, a àn permetût di scuvierzi cui che al veve mandât lis armis. (a.d.g.) – 16.12.2025
