Cjapât dai carabinîrs un lari che al veve fat robariis in mieç Friûl

I carabinîrs dal nucli investigatîf di Pordenon a àn arestât ae fin di Avrîl a Pordenon un om di 27 agns, origjinari dal Niger za condanât a trê agns e un mês di preson dopo vê fat almancul dodis robariis ator pal Friûl tra il 2015 e il 2019, jentrant in cjasis, locâi publics e ancje intes autos parcadis a Pordenon, Martignà e Basilian.

Il zovin al è stât cjapât intant che si cjatave in Largo Cervignano; i carabinîrs su la fonde dal ordin di carcerazion a àn cussì puartât daurman il condanât in preson. (a.d.g.) – 07.05.2025