Incident grivi vuê di matine dilunc de strade regjonâl 464 a Manià, indulà che une coriere cun dentri 15 students e une machine si son dâts cuintri in maniere frontâl.
Il vuidadôr de auto al è muart sul colp. Cierts zovins che a jerin su la coriere a son stâts puartâts cu la ambulance tal ospedâl di Pordenon, ma la lôr cundizion no sarès grivie. E da invezit plui pinsîr chê dal autist de coriere, che al è restât blocât dentri dai lamarins che i Vigjii dal fûc a àn lavorât par plui di dôs oris par tirâlu fûr.
Al somee che la auto e stes passant un tratôr cuant che e je lade intor de coriere che e stave rivant di chê altre bande, forsit par cause de pocje visibilitât par vie dal soreli che al podarès vê inceât il vuidadôr de auto. Sul puest i pompîrs, i infermîrs de Sores, i carabinîrs e la Polizie locâl di Manià. (a.d.g.) – 09.12.2025
