Brut incident a Tamai di Brugnere, vuidadôr operât di urgjence

Al è stât daurman operât l’om ghanês di 44 agns, che îr dopomisdì al è stât cjapât dentri intun brut incident stradâl a Tamai di Brugnere. Par cause dal scuintri tra une Fiat e une Bmw, l’om al jere stât sbalçât fûr de barconete colant sul asfalt.

L’om, che al veve cetantis feridis, al è stât puartât daurman cul elicotar tal ospedâl di Udin, indulà che al è stât operât tal cjâf e cumò si cjate tal repart di terapie intensive indulà che si spiete par cirî di capî se il ferît al à patît ancje dams cerebrâi par cause dal colp fuart cul asfalt. (a.d.g.) – 21.05.2025