La manovre di Istat dal belanç regjonâl e je stade aprovade cheste gnot ae une e mieze daspò di une maratone di trê dîs dai lavôrs dal Consei regjonâl, sot de vuide di Mauro Bordin.
A son in dut 1,2 i miliarts, che a fasin di chest document il secont plui siôr di simpri, daspò che aprovât tal 2024. Discutûts passe mil emendaments presentâts al dissen di leç mandât fûr des Comissions. L’assestament al è passat cun 28 votis a favôr dal centridrete, i 18 cuintri des oposizions e un astignût.
La plui part di ducj chescj bêçs ju cjape il setôr des Infrastruturis indulà che a vadin 284 milions di euros, intant che Ativitâts produtivis e turisim a varan a disposizion 239 milions.
Par Massimiliano Fedriga, president de Regjon, si trate di un assestament une vore penç che “al conferme la tindince in cressite dai ultins agns. Chescj bêçs – al à visât Fedriga – a judaran a sostignî il disvilup socioeconomic dal teritori, prime di dut midiant il finanziament des oparis publichis e il rinfuarciment des liniis di contribûts a pro di fameis e impresis”. (a.d.g.) – 25.07.2025
