A son stadis trê lis vitimis dai delincuents in pocjis oris: une siore di 96 agns a Fontanefrede, une di 85 a Pordenon e une altre a Sacîl di 82 agns.
Dutis e trê lis feminis a àn viert a un om che si jere presentât tant che tecnic de Enel (tal cas di Fontanefrede e Sacîl) o come un assegnât dal servizi idric (tal câs di Pordenon). L’om al à dit e parone di cjase che al veve di fa dai controi e par chest che a lavin studâts i contadôrs de lûs o sierâts i rubinets, par dopo visâ che la robe di valôr, soredut zoiis, e veve di jessi sierade dentri di une scjate. In pôc timp, dopo vê distrate la vitime, il delincuent al è scjampât puartant vie lis zoiis.
Cuant che lis sioris si son inacuartis de robarie aromai al jere masse tart e nol è restat nuie altri ce fâ che clamâ i carabinîrs o la Polizie. (a.d.g.) – 29.04.2025
