Ancjemò un infortuni sul lavôr tai cantîrs di Monfalcon

Un operari forest si è fat mâl vuê di matine pôc dopo di misdì intant che al jere a vore tai cantîrs navâi di Monfalcon, indulà che al è colât di plui o mancul trê metris di altece fasintsi mâl aes gjambis. AL è stât daurman puartât cul elicotar tal ospedâl di Cattinara a Triest ma nol sarès in pericul di vite.

Chest incident al è sucedût a pocjis oris di chel regjistrât sot sere, cuant che simpri tai cantîrs si son sintûts mâl altris trê operaris in vore tal repart de saldadure. I trê oms, ancje lôr ricoverâts a Triest,  a saressin restâts intosseâts daspò vê respirât anidride carboniche, stant a ce che e à contât la ex sindiche Anna Maria Cisint. (a.d.g.) – 23.09.2025