Alerte narancine in F-Vj pal brut timp

da Alessandro Di Giusto

La Protezion Civîl e à mandât fûr une alerte meteo narancine de miezegnot di vinars ai 23 di Fevrâr a misdì di sabide ai 24. Par doman a son previodudis precipitazions ancje tant intensis in mont cun neveadis fuartis a cuote alte. Cuote nêf in gjenar di là dai 1.000–1.300 metris su lis Alps, 1.300–1.500 su lis Prealps. Ploie fuarte in planure, plui moderade bande la marine, cun temporâi pussibii sot sere. Al soflarà Siroc di sostignût a fuart su la marine e su part de planure, cun rotazion temporanie a Garbin di sere. A son spietadis burascjadis, soredut tra Lignan e Grau, ma cun pocje probabilitât di aghe alte. Probabii duncje jevadis dai cors di aghe in planure, in particolâr dal Lusinç. Inte serade di vinars burascjadis probabilis e fenomens di aghe alte.

Di vinars previodût pericul lavinis grât 4 cun interessament pussibil de viabilitât parsore i 1.000 metris. La situazion e varès di miorâ sabide di matine, cuntune atenuazion gjenerâl dal brut timp za di gnot e inte prime matinade. (a.d.g.) – 22.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui