E va indenant cence fermâsi la ativitât dai pompîrs in dute la regjon par vie dal maltimp che al à batût par dute la zornade il teritori soredut cun aiar fuart. A son stâts fats, fintremai des 5 di dopomisdì e tacant de miezegnot di vuê, 138 intervents di socors, soredut par cuvierts fiscats dal aiaron, ramaçs e arbui sdrumâts e ancje cualchi inagament. Luis areis plui batudis a son chês des provinciis di Udin e Pordenon.
Dome in provincie di Udin a son stâts fats 45 intervents intant che aes cinc dal dopo misdì a jerin ancjemò 15 operazions in vore e 8 domandis di jutori in spiete, tant che a son rivadis scuadris ancje di Triest, Gurize, Codroip e S. Denêl.
Te provincie di Pordenon fats 60 intervents e la situazion e je lade in miôr dulinvie dal dopo misdì tant che no jerin plui clamadis.
Il Comant di Gurize al à regjistrat 21 intervents e vincj personis a son stadis evacuadis di abitazions par vie di un arbul une vore grant che al è malsigûr.
Dome 12 i intervents pal mal timp a Triest. (a.d.g.) – 26.03.2026
