Vuê di matine a Triest, inte suaze di une conference stampe e je stade presentade une pussibil alternative par morestâ lis plenis dal Tiliment, in graciis de conferme de disponibilitât dai dai socis de Associazione Agricoltori Medio Tagliamento a meti a disposizion lis areis dongje dal flum di lôr proprietât par permeti di valutâ progjets alternatîfs a pet dal plan di gjestion dal risi di diluvion dal flum e tignût cont de diretive europeane sul risistemazion de nature.
Presints il Conseîr regjonâl di Fratelli d’Italia Markus Maurmair che al à visât che cheste propueste che e permetares di fâ dai basins di laminazion dilunc dal flum e je in linie cun ce che al à simpri dit l’assessôr al Ambient Antonio Scoccimarro.
Presints ancje il deputât european dal grup ECR-Fratelli d’Italia Alessandro Ciriani e Eriminio Barra, in rapresentance de associazion. Il document al previôt che a sedin vendûts ae Regjon, 400 etars di terens che a permetaressin ae aghe dal flum di slargjâsi sot control tal câs di une plene. (a.d.g.) – 17.10.2025
