Un judiç in plui pal tribunâl di Pordenon

Al cres il numar di judiçs dal tribunâl di Pordenon cu la rivade di un gnûf magjistrât. A visâ di chest il ministri pai Rapuarts cul Parlament Luca Ciriani.

“La zonte di un judiç a organic plen al è un risultât che o ai cirût cun fuarce – al à dit Ciriani – parcè che al jere simpri plui necessari daspò dal slargjament de competence teritoriâl e par vie dal rapuart sfavorevul tra la popolazion residente e il numar di judiçs che al jere a Pordenon. Fâ lavorâ miôr chest tribunâl al è fondamentâl par dâ rispuestis tal concret ai citadins. Cumò o sin ducj impegnâts par fâ sì che il judiç al sedi assegnât daurman”. (a.d.g.) – 10.07.2025