Un bol di letare dedicât al cincuantesim aniversari dal taramot in Friûl

Vuê il Ministeri des Impresis e dal Made in Italy al à pandût fûr un bol di letare de schirie “I valôrs sociâi” dedicât al cincuantesim aniversari dal taramot in Friûl.

Il bol al mostre il Domo di S. Andree apuestul di Vençon, simbul di resilience, conservât tra mans che si strenzin e che a rapresentin la comunitât e la rinassite, cui rudinaçs di une cjase sul fonts.

Cheste iniziative e je stade presentade vuê di matine a Udin inte sede de Regjon Friûl Vignesie Julie ae presince dal president dal Consei regjonâl Mauro Bordin. (a.d.g.) – 06.05.2026