Cul vie libare dât de Comission afârs costituzionâi dal Senât ae norme che e permetarà di tornâ a vierzi lis Provinciis in Friûl Vignesie Julie, il procès tacât di timp al à fat un salt indenant. Cumò il document al è pront par jessi discutût a Palaç Madama par dopo tornâ a fâ un altri passaç te Cjamare e tal Senat, si pense dentri dal Istât.
Sodisfazion de bande di Massimiliano Fedriga: “Si fâs un altri pas concret bande di un asset istituzionâl plui ecuilibrât e partecipât, su la fonde di un principi impuartant de democrazie: la rapresentance direte dai citadins”. L’assessôr aes autonomiis locâls, Pierpaolo Roberti, al à confermât che si sta za lavorant par costituî i gnûfs ents”.
Une vore critics i partîts de oposizion , soredut Il Pd, tant che la sô Segretarie regjonâl, Caterina Conti, e fevele di une riforme plene di contradizions. (a.d.g.) – 15.05.2025
