Udin, il sindic al conferme che la sô scuadre e va indenant cence divisions

Il sindic di Udin, Alberto Felice De Toni, al à dineât lis vôs su lis presumudis divisions dentri de sô maiorance, che a jerin saltadis fûr daspò dal vôt tal ultin Consei comunâl su la mozion presentade di Fratelli d’Italia e dedicade al antisemitisim. “No je vere – al à dit De Toni –  che un vôt dividût al sedi segn di debilece” sotlineant che e je libertât di espression su cuistions che no sedin aministrativis.

Il sindic, judât de Zonte, al à confermât la totâl compatece dal esecutîf su lis sieltis e lis progjetualitâts pe citât: “O sin chi par rispietâ un program eletorâl pal disvilup de citât, che par chel o sin stâts votâts dai citadins e par chest o stin lavorant ogni dì”. (a.d.g.) – 03.07.2025