Traspuart public locâl in crisi parcè che a mancjin autiscj

da Alessandro Di Giusto

I sindicâts a acusin la Zonte regjonâl di pocje atenzion sui problemis dal traspuart public locâl: “Ae Zonte regjonâl nol somee che i interessin lis problematichis dal traspuart public locâl, vignudis sù cun simpri plui grande fuarce intai ultins mês e denunziadis des organizazions sindicâls”. Vinars ai 29 di Lui, a visin lis segretariis regjonâls di Filt-Cgil, Fit-Cisl, Uiltrasporti e Faisa Cisal – si è tignût un presidi unitari organizât sot de sede de Presidence de Regjon a Triest che però al è stât ignorât. Lis dificoltâts evidenziadis a son cetant grivis: si trate prin di dut de mancjance di autiscj che a costrenzin lis aziendis a soprimi tantis corsis causant discomuts grivis a la int. Dispès i autiscj a patissin lis protestis dai citadins pai intarts dai autobus, intant che in realtât a mancjin lis corsis, che a son simpri plui sraridis”. (A.D.G.) – 02.08.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui