E je stade dal 61,64% la afluence aes casselis in Friûl Vignesie Julie par votâ il referendum su la riforme de Costituzion cuant che si fevele di justizie.
Si trate di un dât storic se si fevele di une consultazion referendarie e plui alt di passe doi ponts a pet de medie taliane che e je stade dal 58,9%. La percentuâl plui alte in Italie, dut câs, e je stade regjistrade in Toscane cul 66,27%, la plui basse in Sicilie cul 56,13%. La nestre regjon si cjate a metât classifiche, al novesim puest.
Pordenon e je stade la provincie indulà che a àn votât di plui rivant al 62,84% dai eletôrs; daspò a vegnin Gurize (62,03%), Udin (61,68%) e Triest (59,25%). A Udin al è stât tocjât il 64,26%.
Pe croniche, inte nestre regjon la maiorance e à votât “Sì” (54,47%) intant che il “No” al à cjapât il 45,53. (a.d.g.) – 24.03.2026
