Siet listis esclududis de competizion eletorâl in Fvj

A son siet lis listis al moment esclududis de corse pes elezions politichis dai 25 di Setembar in Fvj. E je la decision de Cort di Triest, dopo vê esaminât la documentazion presentade a supuart des candidaturis.
Si trate di Gilet arancioni e Partito animalista (che a inschiriavin candidâts par dutis dôs lis Cjamaris), di Pensiero e Azione e Forza Nuova ae Cjamare e Destre Unite al Senât. Cualchidune des listis esclududis a calcolavin di vê dirit ae esenzion de racuelte des firmis, previodude par cui che al à za un grup in Parlament o si jere presentât aes ultimis elezions politichis o europeanis.(A.D.G.) – 24.08.2022