Svicinâ i zovins aes istituzions regjonâls, talianis e europeanis, par costruî la classe dirigjente di doman e contrastâ l’astensionisim. Si è fevelât di chest vuê a Udin intun incuintri tra il president dal Consei regjonâl, Mauro Bordin, e une delegazion di Aiccre (Associazion taliane Comuns e Regjons di Europe) vuidade di Franco Brussa.
“Parcè che la partecipazion e je fondamentâl – al sclarìs Bordin – ma la jentrade indispensabile de partecipazion e je la cognossince”. Bordin al à anunziât la volontât di lâ indevant e rinfuarçâ la colaborazion cun Aiccre, “che in graciis di chê tancj zovins si son metûts dongje dal mont des istituzions dal Friûl-Vignesie Julie. O puartarai in curt chest teme ae atenzion dal Ufici di presidence”.
Brussa al à riassumût a Bordin il lavôr dai ultins agns, cun riferiment particolâr al bant scuele, e al à ricuardât la leç regjonâl che e rimet a Aiccre la pussibilitât di ativâ in maniere direte pai zimulaments e la formazion. “Cul president de Aule – al à dit Brussa – o vin ipotizât moments di formazion dreçâts ancje al stes Consei regjonâl, rinovât une vore dopo des elezions resintis. O cirarìn altris elements di confront che a puedin puartâ al coinvolziment dai ents locâi, che a son i nestris socis, e soredut dal mont zovin”. (A.D.G.) – 17.05.2023
