Scomençâts i lavôrs in Place Transalpina a Gurize

da Alessandro Di Giusto

Al è scomençât vuê l’intervent pe ricualificazion de Place Transalpina a Gurize, che si cjate in bande de stazion omonime, sul confin tra Gurize e Nova Gorica, che il so binari al è leât ae linie feroviarie Jesenice-Triest. I lavôrs a fasin part dai “Progjets Europe 27”, di impuartance strategjiche pal Program regjonâl Fesr 2021-2027, e si concludaran intai prins dîs di Fevrâr dal 2025. L’assessôr regjonâl aes Financis Barbara Zilli e à visât che “Place Transalpina e je il cûr vîf de Capitâl de culture 2025, di chê al partìs un messaç di unitât e di bielece, di oportunitât e di cressite. Un messaç cence confins che al fevele un sôl lengaç e si difont tant che une musiche gnove jenfri lis stradis di Gurize e di Nova Gorica. Ce che al sucedarà in Place Transalpine, cu la fusion di popui e ints, e soredut di tancj zovins che a vegnin di dut il mont, si candide a jessi un esempli e un model par tantis altris citâts di Europe”. (a.d.g.) – 12.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui