La improibizion dal tierç mandât al val pal president de Provincie di Trent e par ducj i presidents des Regjons autonomis, ven a stai ancje pal Friûl – Vignesie Julie. Cheste e je la sentence fate de Cort costituzionâl su la fonde dal ricors dal Guvier cuintri de leç fate de Provincie di Trent vuidade di Maurizio Fugatti che e slargjave a plui di trê i mandâts dal president.
La cort e à considerât ilegjitimis lis disposizions impugnadis dal Guvier parcè che la improibizion dal tierç mandât e je un principi gjenerâl dal ordenament juridic de Republiche, e par chest e je vincolant ancje pes autonomiis speciâls.
Cheste sentence e à consecuencis fuartis ancje pe nestre regjon, parcè che Massimiliano Fedriga nol podarès candidâsi une altre volte ae vuide dal F-Vj. Fedriga al à dit che e covente une leç dal parlament che e permeti ae int di decidi. (a.d.g.) – 06.11.2025
