Romano Prodi al fevele di Europe ai ‘Incuintris cul autôr’ di Lignan

Grant finâl dai Incuintris cul autôr e cul vin, promovûts de Associazion Lignano nel Terzo Millennio e curâts dal scritôr Albert Garlini, joibe ai 8 aes 6.30 dopomisdì al PalaPineta. La rassegne si sierarà cun Romano Prodi e il so libri “Le immagini raccontano l’Europa “ (Lis imagjins a contin la Europe). Lis vicendis contadis traviers lis cent imagjins iconichis di chest libri a fevelin al cûr e ae memorie dal letôr. Nissun miôr di Romano Prodi, bielzà president de Comission europeane – “pari” dal Euro e sostignidôr dal slargjament de Union europeane – al podeve contâ lis tapis di chê strade, i valôrs condividûts, lis concuistis e lis disilusions, ma ancje tant che la Europe e je jentrade a fâ part de vite cuotidiane dai siei citadins. (A.I.) – 07.09.2022