Regjon pronte a dâ une man ai Comuns par doprâ i fonts dal Pnrr

da Alessandro Di Giusto

“Il Pnrr al è une ocasion straordenarie dal pont di viste finanziari, intun moment siôr di stanziaments tra fonts europeans e nazionâls. La Regjon e ufrìs ai ents locâi i imprescj e i servizis par judâju ta cheste oportunitât, indreçantju bande i canâi miôr”.

Lu à afermât l’assessôr regjonâl aes Financis Barbara Zilli che vuê dopomisdì, intal auditorium de Regjon a Udin, e à incuintrât i sindics de ex provincie di Udin par fâ il pont sul implei des risorsis dal Plan nazionâl di riprese e resilience (Pnrr) e lis criticitâts rilevadis. Risorsis che pal Friûl-Vignesie Julie a rivin a 1 miliart 658 milions di euros, assegnadis pal 29 par cent ae Regjon, pal 32 par cent ai Comuns e pal 39 par cent a altris ents.

Zilli e à fevelât de istituzion di une cabie di regjie che “tant che mieç util pal confront e la racuelte di segnalazions di podê ripuartâ al governadôr Fedriga, che e fâs part de cabie di regjie nazionâl”. Al fâs di president de cabie l’assessôr aes Financis. E je stade costituide cu la colaborazion de Anci, che e met a disposizion lis sôs competencis pe valutazion e la semplificazion des proceduris di autorizazion relativis ai bants. (ADG) – 21.11.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui