La nestre regjon si sta preparant ae tornade des cuatri provinciis, ma in ducj i municipis e je tacade la racuelte di firmis di une propueste di leç par ridusilis a dôs: une pal Friûl che e cjapi dentri Gurize, Pordenon e Udin e une par Triest.
La propueste di leç di iniziative popolâr e previôt che a decidi a sedi la int cuntun referendum e che la sede dal gnûf ent e sedi metude a Aquilee.
La iniziative e je stade inviade di un Comitât che dentri al è l’avocat Luca Campanotto. La riforme, a disin i sostignidôrs di cheste iniziative e permetarès ancje di sparagnâ.
President e conseîrs a saressin elets dai citadins cul limiti di doi mandâts. Parcè che la propueste di leç e sedi puartade al esam dal Consei regjonâl a coventin almancul 5 mil firmis. (a.d.g.) – 01.09.2026
