Rabil, al rive tant che comissari Massimo Canali

da Alessandro Di Giusto

L’inzegnîr Massimo Canali, diretôr centrâl atuâl de Difese dal ambient de Regjon F-Vj, al è stât designât tant che comissari straordenari pai intervents di recupar dal comprensori minerari di Rabil. La sielte, cemût che al à sclarît in I Comission consiliâr l’assessôr regjonâl competent, Fabio Scoccimarro, si incuadre “inte ultime fase des operazions di messe in sigurece dal ex bacin minerari, che a varan di concludisi dentri de fin dal 2025”.

“La dibisugne – al à afermât l’assessôr – e je stade chê di puartâ a tiermin lis ativitâts di bonifiche pe metude in sigurece dai bacins di dipuesit dal comprensori minerari. Al ven sveltît cussì un intart cumulât fint dal periodi pandemic e leât ancje aes gnovis modificazions progjetuâls buinis di miorâ l’isolament de cause primarie di contaminazion”. Scoccimarro al à precisât ancje che “la designazion no ridetermine il tratament economic dal stes Diretôr centrâl, che al reste chel di prime”. (a.d.g.) – 01.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui