Provis di dialic tra Pd e M5S in Regjon

“Un prin incuintri cordiâl, ma interlocutori, par verificâ in trasparence il percors viers lis elezions regjonâls. O vin volût sotlineâ la esigjence di une propueste alternative a Fedriga e ae sô maiorance, la impuartance che e sedi une coalizion ample e unide, la urgjence di intercetâ fuarcis politichis, rapresentancis sociâls, citadins. O vin regjistrât la disponibilitât a un aprofondiment”. Lu à dite vuê a Triest il segretari regjonâl dal Pd F-vg Renzo Liva, ae fin di un incuintri politic cuntune delegazion dal M5S regjonâl. (ADG) – 17.11.2022