Polemichis infogadis pal lât carinzian doprât intal cartel par promovi la mont furlane

“Aministrazion Fedriga bolade in gjeografie e storie”. Al è il coment dal cjâf grup dal Pat pe Autonomie, Massim Moretuzzo, dopo il gnûf erôr inte comunicazion fat dal Esecutîf regjonâl. “Prime il strambolot dal assessôr Scoccimarro cul Atlant pe educazion ambientâl indreçât a studentis e students des scuelis elementârs de regjon dal titul Amo il Friuli Venezia Giulia. Cumò al tocje al assessôr Bini, cu lis gjigantografiis che a promovin la regjon, ma che cu la regjon no àn nuie a ce fâ” al aferme il cjâf grup dal Pat pe Autonomie riferintsi al manifest cu la imagjin dal Zollnersee notât a Sant Denêl in ocasion di “Aria di Friuli Venezia Giulia”. (A.D.G.) – 30.08.22