“Il gnûf plan dal guvier teritoriâl e la gnove leç regjonâl pe planificazion urbanistiche, che a vadin indenant in paralêl, a àn l’obietîf di creâ une planificazion teritoriâl plui moderne e sostignibil, metint dentri struments come lis diretivis pe rigjenerazion urbane che a ridusin il consum di tiere e la gjestion des struturis di produzion e logjistiche, par adatâsi al cambiament climatic. La planificazion e je un procès che al dâ vôs a diviersis necessitâts, cjapant dentri dutis lis part interessadis e i teritoris.”
Chest al è stât dit chest dopomisdì a Pordenon dl assessôr regjonâl pes Infrastruturis e il teritori, Cristina Amirante, dilunc di un incuintri cu lis categoriis economichis di ducj i setôrs produtîfs e di interès regjonâls (intant che i Consorzis pal Disvilup Economic a jerin za stâts consultâts intun incuintri a pueste adun cu l’assessôr aes Ativitâts produtivis Sergio Emidio Bini). La riunion e à delineât la direzion dal Plan futûr, che al sarà scrit in colaborazion cul teritori e al rimplaçarà i struments atuâi che a àn une vore di agns. (a.d.g.) – 13.01.2026
