58
La Regjon e à proponût un plan di invistiments di 40 milions di euros par rindi plui atrative la sanitât publiche: si trate di premiâ il lavôr e ricognossi il merit di chei che a lavorin o a volaressin lavorâ intes struturis, ancje par morestâ la fuide di personâl e par fâ rivâ int gnove. Pal setôr de emergjence e des urgjencis, chel che al à plui dificoltâts, a son previodudis misuris a pueste tant che si fevele dal dopleament des indenitâts.
Il plan che al è pensât pai 21 mil dipendents dal servizi sanitari regjonâl al è stât presentât a Palme dal assessôr regjonâl ae Salût Riccardo Riccardi ai sindicats dal setôr. (a.d.g.) – 28.05.2025
