Pes piçulis impresis a disposizion 40 milions cuintri il cjâr- energjie

“Cu la aprovazion definitive de liste dai codiçs Ateco o sin pronts a vierzi il canâl contributîf di 40 milions di euros par judâ impresis piçulis e mediis a butâ jù i coscj des boletis di energjie e gas. Ai 12 di Otubar, cemût che anunziât, e sarà inviade la procedure a sportel in vie telematiche. Al è impuartant sotlineâ che il 92,5% des impresis che a podaran fâ domande a son micro aziendis cun mancul di dîs dipendents e un faturât anuâl inferiôr a 2 milions di euros. Un jutori concret par frontâ la prime fase de emergjence energjetiche”.

Cussì l’assessôr regjonâl aes Ativitâts produtivis Sergio Emidio Bini al à anunziât la aprovazion, de bande de Zonte regjonâl, dal proviodiment. (ADG) – 7.10.2022