Mascarutis al lavôr, al reste in vore il protocol Covid

Lis mascarutis sui lûcs di lavôr? A restaran obligatoriis almancul fin a Jugn. E je la indicazion emerzude de riunion tra Ministeri dal Lavôr e des Politichis Sociâls, dal Ministeri de Salût, dal Ministeri dal Disvilup Economic, Inal e parts sociâls, che a àn fissât di mantignî in vore il Protocol pe sigurece Covid che al jere stât definît a Avrîl 2021. E je prevalude, duncje, la linie de prudence, ancje se intune fase de pandemie no plui ‘di emergjence’.

Ce che al sucedarà dopo? Lis regulis a saran definidis intun gnûf incuintri dentri dai 30 di Jugn par verificâ la oportunitât di adusi inzornaments al test su la base de evoluzion de situazion epidemiologjiche.