La Direzion centrâl salût de Regjon e à bolât i ats des aziendis sanitariis dal Friûl Vignesie Julie, tornant a mandâ ai mitents i documents aprovâts di AsuFc, AsFo, AsuGi, Burlo e Cro di Davian. Une decision che, cence fal, al sabore la polemiche politiche.
“O sin devant di une bolade inspietade che par cierts viers al è fintremai di no crodi” a àn sclarît Simona Liguori e Tizian Centis inte conference stampe zontade des Oposizions – Pd, Citadins, Pat pe Autonomie, Moviment 5 Stelis e grup mist cun Walter Zalukar e Furi Honsell – che – documents ae man – a àn presentât la note a firme dal diretôr regjonâl Zuane Zamaro.
Aes acusis espressis de minorance, il vicegovernadôr cun deleghe ae Salût dal Friûl Vignesie Julie, Riccardo Riccardi, al rispuint che “la Regjon altri nol fâs ce aplicâ i passaçs previodûts de leç di riforme. La Regjon no consintarà, a cui nol à i titui, di lâ dentri intal lavôr finît vuê dai professioniscj cence chei condizionaments dal passât che, in maniere palese, a mancjin cumò dome a cui che ju faseve”.
