“Cemût che o vevin anunziât, o vin previodût 5 milions di euros inte leç Finanziarie dal 2023, par agjevolâ i piçui Comuns intes spesis pe progjetazion e pes proceduris dai progjets leâts al Pnrr. I anticips aes Aministrazions comunâls beneficiariis di fonts dal Plan nazionâl di riprese e resilience a saran dâs fûr de Direzion Financis, dant cussì un supuart impuartant pai Comuns plui in dificoltât”.
Lu à dite l’assessôr regjonâl aes Financis Barbara Zilli intervignint in Prime comission integrade dal Consei regjonâl, dilunc dal esam des normis de manovre finanziarie. Il proviodiment al è stât introdot di un emendament de Zonte, proponût propit dal assessôr Zilli, che intes setemanis passadis al veve partecipât a une serie di incuintris cu lis Aministrazions comunâls, propit par fâ il pont cui sindics sul stât di avanzament dai progjets.
“Al è un altri strument – e evidenzie l’esponente de Zonte Fedriga – che o volìn ufrî a nestris Ents locâi par otignî dutis lis rispuestis che si pues, a vantaç dal teritori traviers il Pnrr”. (ADG) – 2.12.2022
