“Riparâ ai dams causâts dal brut timp e operâ cun costance par fâ simpri plui sigûr il teritori, par ridusi il pericul, lavorant su la prevenzion. Su chest o vin lavorât e o continuìn a lavorâ. Su chest troi si met il finanziament gnûf di 48 milions di euros pal nestri teritori, che si zontin ai cuasi 2 milions di euros par oparis urgjentis”.
Lu à dit il governadôr Massimiliano Fedriga intervignût cul vicegovernadôr e assessôr cun deleghe ae Protezion civîl Riccardo Riccardi a Davâr, dulà che cheste matine, intes salis dal Museu See dal complès Aplis, a son stâts ilustrâts i gnûfs fonts e contribûts metûts a disposizion pal teritori batût dal brut timp tal Novembar dal 2019. Presints tancj sindics, tacant dal prin citadin di Davâr, Lino Not. (ADG) – 12.12.2022
