Sec e dams pesants ae agriculture, la Regjon e domande al Guvier di ricognossi il stât di ecezionalitât pe situazion di carence grave di aghe che e à colpît e al è daûr a colpî la regjon tacant dal passât Mai.
Cuntune delibare de Zonte regjonâl, aprovade vuê daûr de propueste dal assessôr aes risorsis Agriculis Stefano Zannier, si domande al ministeri des Politichis agriculis, alimentârs e forestâls di declarâ la esistence di ecezionalitât dal “sec” che de Vierte passade al è daûr a causâ problemis fuarts ae agriculture regjonâl. La delibare cun di plui e segne i teritoris danezâts (e je largje part dai Comuns di dutis e cuatri lis areis teritoriâls provinciâls) e al liste ancje lis tipologjiis des culturis ruvinades. Il ministeri al scugnarà ancje cuantificâ lis domandis di spese su la base dai impuarts che la Regjon e à proviodût a comunicâ ai 3 di Otubar. (ADG) – 7.10.2022
