Il Stât al stâ de part dai sindics daspò dal câs di Preon

Lis incarghis plui ad alt dal Stât a stan de part dai sindics dal Friûl che a domandin tutelis pal sisteme de Protezion civîl daspò de tampieste scjadenade dal câs di Preon.

Dilunc de sentade straordenarie dal Consei regjonâl fate îr a Glemone, i prins citadins e i volontaris a àn vude la solidarietât sedi dal president de Republiche Sergio Mattarella, sedi dal president dal Consei dai ministris Giorgia Meloni.

Ae fin de cerimonie, il president de Comunitât de mont de Cjargne e sindic di Ravasclêt, Ermes De crignis, al à consegnât a Mattarella une letare indulà che si domande di inzornâ la normative su la responsabilitât e la tutele dai sindics e dai coordenadôrs intes ativitâts de Protezion civîl. (a.d.g.) – 07.05.2026