Il president de Regjon al sarà al stadi a Udin pe partide Italie – Israêl

Martars ai 14 di Otubar Massimiliano Fedriga, president de Regjon Friûl – Vignesie Julie al sarà tal stadi di Udin par cjalâ la partide tra Italie e Israêl. Fedriga lu à dit vuê dilunc dal Festival del Cambiamento che al jere a Gurize: “O speri – al à sotlineât Fedriga – che tante int e vegni a sostignî la scuadre taliane. Al è un event sportîf e o speri ancje che al resti chel. Se cualchidun al vûl puartâ disordins fûr dal stadi al paiarà lis consecuencis”.

Fedriga al è ancje dit che al  sarès ben che cui che al va indenant a manifestâ cence autorizazion e a tirâ messaçs che a esaltin il terorisim, come che al è sucedût îr sot sere, al varès di patî consecuencis penâls. (a.d.g.) – 08.10.2025