Un fîl diret al lee il ministri ae Culture, Gennaro Sangiuliano, a Gurize, un fîl che si rinfuarçarà ancjemò di plui cu la rivade in citât, lunis di matine, dal esponent dal Guvier Meloni.
A anunziâ la visite dal ministri al è il sindic, Rodolfo Ziberna, che lu veve cjatât za a Rome in Fevrâr. “O soi restât colpît za alore dal grant interès esprimût viers ‘Go!2025’ e de volontât di dâ in maniere juste a chest avigniment straordenari une valence nazionâl. Mi veve anunziât une sô prime visite in curt e cussì al è stât e al sarà pardabon un moment cognossitîf a 360 grâts viodût che, cul sotscrit, al larà ancje a Nova Gorica dulà che al cjatarà il ministri sloven ae Culture, Aste Vrecko, e il sindic Samo Turel. O pues dome che esprimi duncje al ministri un benvignût calorôs in Go!2025”. (A.D.G.) – 17.03.2023
